Ироқ терма жамоаси бош мураббийи Хесус Касас ва футболчилар Данило ал Саид ҳамда Монтадер Мажид ўртасида можаро келиб чиққан.

Футболчилар Индонезия ва Японияга қарши ўйинларда майдонга туширилмагани боис, терма жамоа лагерини тарк этишларини айтишган. Ироқ футбол ассоциацияси вице-президенти Юнус Маҳмуднинг маълум қилишича, мураббий ва футболчилар ўртасидаги низо бартараф этилган, аммо швециялик Данило ал Саид барибир терма жамоа лагерини тарк этган.

Мураббийнинг сўзларига кўра, ушбу вазият ироқлик оммавий ахборот воситаларининг футболчиларга босим ўтказиши натижасида рўй берган. "Агар баъзи мухлислар мураббийлик қилишни хоҳлаётган бўлса, марҳамат", деб таъкидлаган Касас.

Ироқ терма жамоаси Осиё кубогини кўлга киритган 2007 йилги турнир давомида ҳам ироқлик футболчилар орасида камида 3 марта муштлашув содир бўлган. Шулардан бири танаффус пайти кийим алмаштириш хонасида юз берган.