Италиянинг "Эмполи" футбол клуби "Торпедо"дан грузиялик 19 ёшли ҳимоячи Саба Гогличидзенинг трансферини расман эълон қилди.
Грузия ёшлар терма жамоаси футболчиси 2028 йилнинг 30 июнига қадар шартнома имзолади. Transfermarkt интернет портали маълумотларига кўра, трансфер суммаси 450 минг еврони ташкил қилган. Ўйинчининг бозор қиймати 300 минг еврога баҳоланмоқда.
Саба Гогличидзе "Торпедо" клуби тарбияланувчиси ҳисобланади. 17 ёшида Саба Грузия олий дивизионида дебют қилди.
Умуман олганда, ҳимоячи "Торпедо" сафида барча турнирларда 32 та ўйин ўтказиб, битта голли узатмани амалга оширган.
