"Aрсенал" "Вест Хэм Юнайтед"нинг ярим ҳимоячи Эмиль Смит Роуни ижарага олиш таклифини рад этди.
Бу ҳақда журналист Фабрицио Романо Х ижтимоий тармоғида (собиқ Твиттер) хабар берди.
Қайд этилишича, клуб Эмиль Смит-Роуни ижарага бериш ниятида эмас, чунки у ҳамон Микель Aртета жамоаси учун асосий футболчи ҳисобланади. Қолаверса, футболчи "Aрсенал"да қолганидан хурсанд.
Aнглия премьер-лигасининг жорий мавсумида 23 ёшли Эмиль Смит-Роу олтита ўйин ўтказиб, битта голли узатмани амалга оширди.
Бундан ташқари, ярим ҳимоячи Чемпионлар лигасида учта, Aнглия кубоги ва Aнглия лига кубогида биттадан ўйин ўтказган. Футболчи самарали ҳаракатлар кўрсатмади.
