"Реал Мадрид" бош мураббийи Карло Анчелотти дарвозабон позицияси билан боғлиқ вазият ҳақида гапирди. Италиялик мутахассис Испания кубоги доирасидаги “Атлетико”га қарши сўнгги ўйинда ишончсиз ўйин кўрсатган Кепа Аррисабалага ҳамда Андрей Лунин ўртасидаги рақобат ҳақида гапирди.
Эслатиб ўтамиз, “қироллик клуби” қўшимча бўлимларда 2:4 ҳисобида мағлуб бўлиб, турнирдан чиқиб кетган эди.
“Бошқа дарвозабонлар ҳам худди Кепа ва Лунин каби хатоларга йўл қўйишади. Бу борада ҳеч қандай баҳс йўқ. "Альмерия"га қарши ўйинда кимлар асосий таркибда майдонга тушади? Мен ҳали бир қарорга келганим йўқ", - деди Анчелотти матбуот анжуманида.
Эслатиб ўтамиз, Кепанинг "Реал"даги ижараси мавсум охирида тугайди, футболчининг ҳуқуқлари "Челси"га тегишли. Луниннинг "Лос Бланкос" билан келишувига кўра яна бир ярим йил бор.
