"Рома"нинг чап қанот ҳимоячиси Леонардо Спинаццола жамоанинг янги бош мураббийи Даниэле де Росси ҳақида фикр билдирди.

Италиялик мутахассис ҳафта бошида ишдан бўшатилган Жозе Моуриньо ўрнига "бўрилар" бош мураббийи этиб тайинланди.

"Мен Даниэле билан ўйнаш бахтига муяссар бўлганман, кейинроқ у билан Евро-2020да терма жамоа мураббийлар штабида бўлганида танишганман. У ўзи футбол ўйнаганида ҳам мураббийга ўхшарди. Де Росси - буюк инсон, у кўп нарсаларни бошдан кечирган.

Моуриньонинг ишдан бўшатилиши тўғри қарорми? Билмайман, қарорларни клуб қабул қилади, биз ҳар доим Моуриньо қўл остида 100 фоиз боримизни берганмиз. Натижалар муҳим ва умид қиламанки, улар яхшиланади ”, деди Спинаццола.

Де Росси бошчилигидаги дебют учрашувида “Рома” “Верона”ни 2:1 ҳисобида мағлуб этди.