"Милан" ҳужумчиси Лука Йович клуб билан янги шартнома имзолаши мумкин.
Сербиялик футболчининг амалдаги шартномаси мавсум охирида тугайди, бироқ “россонерилар” раҳбарияти футболчининг ўйинларига қойил қолган ва у билан ҳамкорликни давом эттиришни истайди, дея хабар беради журналист Маттео Моретто.
Томонлар яқин орада келишувни уч йилга узайтиришга келишиб олишлари эҳтимоли катта.
Лука Йович ўтган ёзда "Фиорентина"дан эркин агент сифатида "Милан"га ўтган эди. 26 ёшли футболчи Стефано Пиоли шогирдлари сафида 16 та ўйинда майдонга тушиб, 5 та гол урди ва битта голли узатмани амалга оширди.
