«Челси» ва «Брайтон» клубларининг собиқ бош мураббийи Грэм Поттер «Кристал Пэлас»нинг янги бош мураббийига айланиши мумкин.

Goal хабарига кўра, "бургутлар" 48 ёшли мутахассисни таклиф қилишга қизиқиш билдирмоқда. Манбанинг таъкидлашича, Поттер "Кристал Пэлас" ва "Aрсенал" ўртасидаги сўнгги ўйинга ташриф буюрган ва "канонирлар" 5:0 ҳисобида йирик ғалабага эришган.

Қайд этилишича, “бургутлар” раҳбарияти амалдаги мураббий Рой Хожсоннинг ишидан норози ва унинг ўрнига янги мураббий қидирмоқда.

Бундан ташқари, «Вест Хэм», «Манчестер Юнайтед» ва «Лион» ҳам Поттерга даъвогарлик қилмоқда, дея қўшимча қилди манба.

Aйни вақтда “Кристал Пэлас” 21 учрашувдан 21 очко жамғарган ҳолда AПЛ турнир жадвалида 15-ўринда бормоқда.