Португалиялик "Милан" ҳужумчиси Рафаэль Леау "Удинезе" билан А Серия 21-тур учрашуви вақтида юз берган воқеадан сўнг жамоадоши Мик Меньяни қўллаб-қувватлади.
"Ирқчиликка йўқ денг. Футболга бу керак эмас", - деб пост қолдирди Леау ижтимоий тармоқларида.
Эслатиб ўтамиз, биринчи бўлим давомида франциялик дарвозабон ўз номига айтилган ирқчилик сўзлари ҳақида ҳакамга шикоят қилганди. Футболчи ўйинни давом эттиришни истамай, кийиниш хонасига чиқди, бироқ жамоадошлари уни қайтишга кўндиришди. Ўйин беш дақиқага тўхтатилиб, кейин давом эттирилди.
Якунда миланликлар 3:2 ҳисобида зафар қучди. Ғолиблар сафида Рубен Лофтус-Чик, Лука Йович ва Ноа Окафор гол уришди.
