ЎзПФЛ тартиб-интизом қўмитасининг навбатдаги йиғилиши бўлиб ўтди. Йиғилиш якунида ўтган мавсум сўнгида Олий Лига, Ёшлар Биринчилиги ҳамда Ўзбекистон Биринчилиги баҳсларида қайд этилган қоидабузарликлар юзасидан қарор чиқарди.

Олий Лига
Олий Лиганинг 26-турида «Андижон»га қарши кечган учрашувда қўпол ҳатти ҳаракати учун майдондан четлатилган «Металлург» футболчиси Ҳикмат Ҳошимов 2 учрашувга дисквалификация қилинди ва жаримага тортилди.

Ёшлар Биринчилиги
«Локомотив» клубига қарши кечган 25-тур учрашувида рақибига оёқ билан берган зарбаси учун майдондан четлатилган Қаршининг «Насаф» клуби ҳужумчиси Санжар Баратов 2 учрашувга дисквалификация қилинди.

«Нефтчи» жамоасига қарши 26-тур ўйинида учрашув бош ҳаками шаънига ноъмақул сўзларни ишлатгани учун майдондан четлатилган «Олмалиқ» клуби ярим ҳимоячиси Суҳроб Бердиев 3 учрашувга дисквалификация қилинди.

Ўзбекистон Биринчилиги
«Сўғдиёна»га қарши кечган Ўзбекистон Биринчилиги 2-босқич 15-тур учрашувида рақибига оёқ билан зарба бергани учун майдондан четлатилган «Янгиер» ҳимоячиси Исломбек Ҳамидов 2 учрашувга дисквалификация қилиинди.