Аргентина терма жамоаси сардори Лионель Месси ва бош мураббий Лионель Скалони ўртасида ноябрь ойида ЖЧ-2026 саралаш босқичи доирасидаги Уругвайдан учралган мағлубиятдан (0:2) сўнг можаро юзага келганди. Бу ҳақда LA100 нашри хабар берди.

Томонлар ўртасидаги можаро ўйиндан олдин бошланган, бироқ мағлубиятдан кейин терма жамоа футболчилари шахсий зиёфатда бўлгани ҳақидаги миш-мишлар пайдо бўлгач, кучайган. Скалони бундан ғазабланиб, бир неча кундан кейин жамоа минтақадаги энг жанговар жамоа билан ўйин ўтказиши кераклигини айтди. 17 ноябрь куни Уругвай билан ўйин бўлиб ўтди ва орадан беш кун ўтиб аргентиналиклар Бразилияни 1:0 ҳисобида мағлуб этишди.

Малумотларга кўра, Бразилияга қарши ўйиндан сўнг Скалони 2024 йил ёзида Америка Кубогидан кейин Аргентина терма жамоасини тарк этишни режалаштираётганини айтди. Бироқ манба шунингдек, юзага келиши мумкин бўлган можаро Мессининг Скалони билан футбол майдонидаги муносабатларига таъсир қилмаганини ҳам таъкидлайди.