ЦСКА футболчиси Аббосбек Файзуллаевнинг биринчи мураббийи бўлган Дмитрий Ан футболчи Ўзбекистонга Осиё Кубогини олиб келиши мумкинлигини айтди.
“Аббоснинг Осиё Кубогидаги турнинг рамзий терма жамоасига киритилгани жуда қувонарли. Турнирда унинг учун ҳаммаси яхши бўлганидан хурсандман ва фахрланаман. Файзуллаев яхши, чиройли ўйин намойиш этмоқда. Албатта, мен унинг кўпроқ гол ва голли узатма беришини истайман. Майли, Ўзбекистон терма жамоаси мухлиси, юртимнинг ватанпарвари сифатида, имкон бўлса, кубокни юртимизга олиб келмоқчиман. Бунда Аббос ёрдам бериши мумкин”, деган Ан Chempionat.com нашрига.
