Осиё кубогининг "А" гуруҳидан ўрин олган жамоалар 3-тур баҳсларини ўтказишди.

Мезбон Қатар Хитойга қарши майдонга чиқиб, кичик ҳисобда ғалаба қозонди. Натижада Қатар 9 очко жамғарган бўлса, хитойлик катта эҳтимол билан уйга қайтишади.

Тожикистон-Ливан ўйини эса ҳиссиётларга бой бўлди. Иккинчи бўлим бошида Бассел Жрадий ажойиб зарба билан ливанликларни олдинга олиб чиқди. Ливан футболчиси Қоссим аз-Зайн қўпол ҳаракати учун майдондан четлатилди.

Қўшниларимиз 80-дақиқада Умарбоев томонидан жаримадан йўлланган зарба натижасида ҳисобни тенглаштиришган бўлса, иккинчи бўлимга қўшиб берилган 2-дақиқада Нуриддин Ҳамроқулов бош биланрақиб дарвозасини ишғол қилди.

Ҳакам иккинчи бўлимга нақ 16 дақиқа қўшиб берди. Ливан бир киши кам бўлиб ўйнашига қарамай, олдинга ташланди. Улар бир нечта вазиятларга эга бўлишди, аммо улардан фойдалана олишмади. Тожикистон ҳам имкониятларни кўкка совурди.

Якунда эса Тожикистон муҳим ғалабани қўлга киритди ва Осиё кубогидаги дебют иштирокида плей-оффга чиқди — 4 очко, 2-ўрин. Қўшниларимиз нимчорак финалда, кўп эҳтимол билан, "С" гуруҳида 2-ўринни эгаллайдиган БАА (ёки Эрон) билан тўқнаш келади.

Осиё кубоги, "А" гуруҳи, 3-тур
Тожикистон – Ливан 2:1 (0:0, 2:1)
Голлар: 0:1 – 47 Жрадий, 1:1 – 80 Умарбоев, 2:1 – 90 Ҳамроқулов.
Тожикистон – Ятимов, Сафаров, Ҳанонов, Жўрабоев, Назаров (Давлатмир, 90), Панжшанбе, Умарбоев, Шукуров (Муҳаммаджон, 72), Жалилов (Хайлоев, 88), Мабатшоев (Ҳамроқулов, 72), Соиров (Самиев, 72).
Ливан – Матар, Аз-Зайн, Хамис, Аз-Зайн, Мелкий, Нассар (Лахуд, 82), Жрадий (Битар, 82), Сроур, Тнеш (Ҳайдар, 82), Маатук (Шоур, 58), Бугиэл (Эл-Хельве, 67).
Огоҳлантиришлар: Жўрабоев (27), Матар (77), Аз-Зайн (90), Панжшанбе (90), Хайлоев (90).
Четлатиш: Аз-Зейн (56).

Қатар – Хитой 1:0 (0:0, 1:0)
Гол: 1:0 – 66 Ал-Ҳайдос.
Қатар – Аш-Шийб (Закария, 46; Баршам, 63), Ар-Ровий, Хухий, Али, Ал-Браке, Хатем (Жобир, 46), Ассадаллоҳ, Ториқ (Ал-Ҳайдос, 64), Абдуризаг (Афиф, 64), Алаа (Ал-Жанҳий, 46), Мунир.
Хитой – Янь Цзюньлин, Чжан Линьпэн, Браунинг, Чжу Чэньцзе, Лю Ян, У Си (Сюй Синь, 67), Ван Шанъюань (Цзян Шэнлун, 85), Лю Биньбинь (Се Пэнфэй, 46), Вэй Шихао (У Лэй, 67), Чжан Юйнин, Линь Лянмин (Лон Тан, 75).
Огоҳлантиришлар: Ар-Ровий (70), Мунир (80), Ал-Жанҳий (88).