Жоау Канселу ва Жоау Феликснинг вакили бўлган агент Жорже Мендеш ўз мижозларининг келажаги ҳақидаги саволга жавоб берди.

Ҳар икки португалиялик футболчи жорий мавсум охиригача “Барселона” томонидан ижарага олинган. Канселу “Манчестер Сити”га, Феликс эса “Атлетико”га тегишли. Иккала ўйинчига келсак, шартномада сотиб олиш варианти мавжуд эмас, шунинг учун "блауграна" агар керак бўлса, ҳимоячи ва ҳужумчининг трансфери шартларини алоҳида келишиб олиши керак.

Мендешнинг сўзларига кўра, Каталония гранди иккала португалияликни сотиб олишга чиндан ҳам қизиқиш билдирмоқда: "Барселона" Жоау Феликс ва Жоау Канселуни доимий равишда сотиб олмоқчи", - дея тасдиқлади агент.