Joau Kanselu va Joau Feliksning vakili bo‘lgan agent Jorje Mendesh o‘z mijozlarining kelajagi haqidagi savolga javob berdi.

Har ikki portugaliyalik futbolchi joriy mavsum oxirigacha “Barselona” tomonidan ijaraga olingan. Kanselu “Manchester Siti”ga, Feliks esa “Atletiko”ga tegishli. Ikkala o‘yinchiga kelsak, shartnomada sotib olish varianti mavjud emas, shuning uchun "blaugrana" agar kerak bo‘lsa, himoyachi va hujumchining transferi shartlarini alohida kelishib olishi kerak.

Mendeshning so‘zlariga ko‘ra, Kataloniya grandi ikkala portugaliyalikni sotib olishga chindan ham qiziqish bildirmoqda: "Barselona" Joau Feliks va Joau Kanseluni doimiy ravishda sotib olmoqchi", - deya tasdiqladi agent.