"Челси" бош мураббийи Маурисио Почеттино жамоанинг сўнгги ютуқларини эътироф этди.
Сешанба куни "кўклар" Лига кубоги ярим финалининг жавоб учрашувини "Мидлсбро"га қарши ўтказади. Чемпионшип жамоаси майдонида бўлиб ўтган илк учрашув лондонликларнинг минимал ҳисобдаги мағлубияти билан якунланганди.
“Декабрь ойида биз Англиянинг энг яхши жамоаларидан бири эдик. “Мидлсбро”дан учралган мағлубиятдан ташқари, сўнгги натижаларимиз унчалик ёмон бўлгани йўқ ва ҳатто яхши бўлди дейишим мумкин.
"Мидлсбро"га қарши биринчи ўйиндаги муваффақиятсизликдан сўнг бизда ғалати туйғу пайдо бўлди, аммо жамоамиз ҳали ҳам яхши натижаларни кўрсатмоқда, биз юқори савияда қолишимиз ва ривожланишда давом этишимиз керак", - дея Почеттинонинг сўзларини келтиради PA Sport.
