Лондоннинг “Арсенал” клуби футболчиси Александр Зинченко “канонирлар” бош мураббийи Микель Артета ҳақида гапирди.
“У ғолиб. Бу унинг майдондан ташқаридаги менталитети ва характери. У билан бироз яқинроқ танишсангиз, у жуда талабчан ва кўп майда-чуйдаларга эътибор беришини дарҳол англай оласиз. Менга унинг футболга қараши ёқади. Микель билан танишган биринчи кунданоқ унинг ажойиб мураббий бўлишини билардим", - дея Зинченконинг сўзларини келтиради The Athletic.
Александр Зинченко "Арсенал"га 2022 йилда келиб қўшилган эди, бу мавсумда футболчи Англия премьер-лигасида 19 та ўйинда майдонга тушиб, битта гол урди ва битта голли узатмани амалга оширди.
