Тошкентдаги “King Plaza” меҳмонхонасида ўтказилган CAFA ҳакамлар семинарининг биринчи қисми якунланди. 21-23 январь кунлари ҳакамлар учун ўтказилган назарий-амалий семинарлар давомида аъзо мамлакатлардан жами 25 нафар ҳакамлар (17 нафар эркак ва 8 нафар аёл ҳакамлар) иштирок этишди.
Дарслар давомида иштирокчилар ФИФА стандартлари асосида назарий ва амалий машғулотларда иштирок этиб, тажрибали мутахассислардан зарурий билим ва кўникмаларни эгаллашди. Эътиборли томони, ушбу семинарда мамлакатимиздан 7 нафар ФИФА ҳакамлари — Фирдавс Норсафаров, Аскер Наджафалиев, Акобир Шукуруллаев, Рустам Лутфуллин, Розиябону Юсупова, Гулшода Саитқулова ва Насибабону Тошмуҳаммедова иштирок этди.
Бугун семинарнинг ёпилиш маросимида ЎФА биринчи вице-президенти, CAFA ҳакамлар қўмитаси раиси Равшан Ирматов ва CAFA Бош котиби Улуғбек Каримов иштирокчиларига тегишли сертификатлар топшириб, уларга келажакдаги фаолиятларида омад тилашди. Маълумот ўрнида, эртага аъзо мамлакатлар ҳакамлари иштирокида ВАР курсларига старт берилади.
