Янги мавсумга жиддий тайёргарлик кўраётган “Шўртан” яқинда яна бир футболчи билан шартнома имзолади. Гап литвалик дарвозабон Павел Леус ҳақида бормоқда. Легионер дарвозабон “Шўртан”га ўтишини қуйидагича изоҳлади:
- Мен яна бир марта Эдгар Гессдек тажрибали мураббий билан ишлаётганимдан хурсандман. У киши билан олдин “Насаф”да ҳам бирга ишлагандик. Ғузорга Эдгар Яковлевичнинг таклифига биноан келдим. Баъзи сабабларга кўра, ўтган йилнинг биринчи даврасида ҳеч қаерда тўп сурмадим. Кейин эса иккинчи даврадан “Қизилқум”га келиб қўшилдим. Бу йил ўз омадимни “Шўртан”да синаб кўрмоқчиман. Ҳозир асосий таркибга кириш учун Александр Корнейчук билан рақобатлашяпман.