“Ал-Ҳилол” ярим ҳимоячиси Сергей Милинкович-Савич Италияга қайтиши мумкин.
Сербиялик футболчи, миш-мишларга кўра, Саудия Арабистонига унчалик мослаша олгани йўқ, шунинг учун у А Серияга қайтиш имкониятини кўриб чиқмоқда. "Ювентус" 28 ёшли футболчига даъвогарлардан бири саналади. "Бьянконерилар" бош мураббийи Массимилиано Аллегри қишки трансфер ойнасида бирорта янши шартнома кутмаяпти, чунки у мавсум давомида кучли жамоа руҳига путур етказмоқчи эмас, лекин Милинкович-Савич учун истисно қилишга тайёр, дея хабар беради журналист Лука Cимини. Туринликлар мураббийи ярим ҳимоячининг қобилиятини юқори баҳолайди.
Сергей Милинкович-Савич 2015 йилдан 2023 йилгача Италияда "Лацио"да ўйнаган. Transfermarkt экспертларининг фикрича, сербнинг нархи 35 миллион еврони ташкил қилади.
