"Манчестер Юнайтед" ва Англия терма жамоасининг собиқ ҳимоячиси, ҳозирда футбол эксперти Рио Фердинанд Премьер-лига тарихидаги энг яхши қишки трансфер ким бўлганини айтди.
“Виржил ван Дейкни энг яхшилардан бири деб аташ мумкин. Энг яхши трансфер Неманя Видич бўлди. Унга етти миллион бердилар. Бундай ўйинчи учун бу етарли эмас", - дейди Фердинанд.
Сербиялик футболчи 2006 йилдан 2014 йилгача манкунианликлар сафини ҳимоя қилган. “Қизил иблислар” билан биргаликда беш марта Премьер-лига чемпиони бўлди ва Чемпионлар лигасида ғолиб чиқди.