Антони Марсьяль 2 ойдан кўпроқ вақт майдонга туша олмайди.
"Манчестер Юнайтед" матбуот хизмати хабарига кўра, ҳужумчининг сон қисмидаги муаммолар туфайли операция қилинган. Марсьялнинг тикланиши тахминан 10 ҳафта давом этади.
Антони Марсьяль декабрь ойи бошидан бери "Манчестер Юнайтед" таркибида ўйнамади. Маълум бўлишича, Эрик тен Хаг франциялик футболчини машғулотларга тайёргарлиги етарли эмас деб ҳисоблаб, уни индивидуал машғулотларга ўтказган. Шу билан бирга, Марсьялнинг агенти футболчининг мураббий билан муносабатларида муаммо йўқлигини айтди.
28 ёшли Антони жорий мавсумда 19та ўйинда майдонга тушиб, 2та гол ва 2та голга ассистентлик қилди.
