“Бунёдкор” ёшлар жамоаси бугун ЎзПФЛ кубогининг учинчи турида Жиззахнинг “Сўғдиёна” жамоаси билан куч синашди.

Учрашув қизиқарли ва кескин курашларга бой бўлди. Биринчи бўлимда ёш “қалдирғочлар” бир неча хавфли вазиятлар содир этишган бўлсалар-да, рақиб дарвозасига сўнгги зарбани йўллашда аниқ ўйнай олмадилар. Иккинчи бўлимда ҳам шу ҳолат давом этди.

Сен ўрмасанг, сенга уришади ибораси шу куни яна бир карра амалда исботланди. Даврон Файзиев шогирдлари қарши ҳужумда чиройли гол уришни уддалашди. Йўлланган зарба дарвозабоннинг устидан ошиб, “тўққиз”ликка бориб тушди.

Ушбу гол ўйин охиригача ягона бўлиб қолди. Шу тариқа “Сўғдиёна” футболчилари ёшларимиз устидан 1:0 ҳисобида ғалаба қозонди.