"Бавария" бош мураббийи Томас Тухель борасида бир қарорга келди. Инсайдер Керри Хоунинг сўзларига кўра, раҳбарият германиялик мутахассисни жорий мавсум охиригача олиб қолмоқчи.
Манбанинг таъкидлашича, "Бавария" жорий мавсумда албатта мураббийини алмаштирмайди. Тухелнинг матбуот анжуманларида айтган айрим гаплари раҳбариятга ёқмайди, аммо немиснинг мураббийлик фазилатлари директорлар кенгашида ишонч уйғотади.
Агар Тухель бу мавсумда қониқарли натижа кўрсата олмаса, "Бавария" Хаби Алонсони олиб келиш масаласини жиддий ўйлаб кўради.
