Лондоннинг "Челси", "Реал", "ПСЖ" ва бошқа бир қатор клубларнинг собиқ футболчиси Николя Анелька футбол тарихидаги янги саҳифасини бошлади.
Франциялик собиқ футболчи кутилмаганда Туркиянинг "Умраниеспор" клубида бош директор лавозимини эгаллади. Бу ҳақда иккинчи дивизион клуби матбуот хизмати хабар берди.
44 ёшли собиқ футболчининг янги иш берувчи билан келишуви тафсилотлари ҳозирча номаълумлигича қолмоқда.
Эътиборли томони, Анелька учун бу функционернинг фаолиятидаги биринчи роли эмас. У аввал ватанида 2021 йилда тарк этган "Йер" клубида спорт директори лавозимида ишлаган.
