Саудия Арабистонининг "Ал-Иттифоқ" клуби "Аякс"га ўтиб кетган Жордан Хендерсоннинг ўрнига футболчи танлашга қарор қилди.
Инсайдер Фабрицио Романонинг сўзларига кўра, Стивен Жеррард жамоаси "Ат-Таавун" ярим ҳимоячиси Альваро Медран билан шартнома имзолайди. Битим якуний босқичда.
Қайд этилишича, Саудия Арабистони Про-лигасининг яна камида учта клуби испаниялик футболчига қизиқиш билдирган, бироқ “Ал-Иттифоқ” энг самаралиси бўлиб чиқди.
Трансфернинг молиявий тафсилотлари ва футболчининг шахсий шартномаси номаълумлигича қолмоқда.
Жорий мавсумда 29 ёшли Медран 19 та ўйинда майдонга тушиб, 2 та гол урди ва 9 та голли узатмани амалга оширди.
