Роберто Мартинес Криштиану Роналдунинг Евро-2024 олдидаги ҳолати ҳақида гапирди.

“Ан-Наср” ҳужумчиси феврал ойида 39 ёшга тўлади.

“Терма жамоага қўшилганимда олдимга аниқ мақсад қўйгандим. Ҳар бир ўйинчи ҳақида ҳисобот яратиш ва тикланиш нуқтаи назаридан уларга нима кераклигини тушуниш керак эди. Криштиану Роналду ва Пепе каби футболчилар ҳақида ҳеч қандай статистика йўқ эди, аммо улар бизга керак эди. Энди эса Криштиану тўрт кун ичида иккита ўйин ўтказишига ишончимиз комил. Бизда жуда аниқ хулоса бор. Бунга ҳеч қандай шубҳа йўқ.

Бу жамоа учун бор нарсасини берадиган футболчининг намунасидир. У буни қилмоқчи. Криштиану янги даврни бошлаш учун муҳим сардор.

У билан илк бор терма жамоа ҳақида гаплашганимда, у 18 ёшли футболчи деган таассуротда қолгандим. У терма жамоа учун ёш", - деди Португалия терма жамоаси бош мураббийи.