Юрген Клопп мавсум якунида “Ливерпул”ни тарк этиш қарорини маълум қилди. Немис мураббийи бу ҳақда клуб раҳбарларига ноябрь ойида айтганини келтирди.
Шу билан бирга, ўйинчилар устозининг ниятлари ҳақида билишмаган.
The Telegraph мухбири Крис Баскомб хабар берганидек, ҳозир улар ҳайратда. "Клопп ноябрь ойида "Ливерпул"га ўз нияти ҳақида маълум қилган бўлса-да, футболчиларга бу бугун эрталаб маълум қилинган.
Табиийки, бундан мухлислар ҳам бошқа футбол олами каби ҳайратда”, - деди Баскомб. Юрген Клопп айни дамда "Ливерпул"ни Aнглия кубоги доирасида "Норвич"га қарши уй учрашувига тайёрламоқда. Жамоалар 28 январ, якшанба куни майдонга тушади.
