"Брайтон" бош мураббийи Роберто Де Зерби "Ливерпул"ни бошқараётган немис мутахассиси Юрген Клопп жорий мавсум якунида мерсисайдликлар сафини тарк этиши ҳақидаги хабарга жавоб қайтарди.
“Мен Клоппни тушунаман. Менимча, бизда дунёдаги энг яхши иш бор, лекин бу қийин. Бизда энергия бўлиши керак, биз доимо ўзимизни суришимиз ва ҳар куни яхшироқ бўлишимиз керак. Футбол доимий равишда ривожланиб бораётгани учун такомиллаштириш ва янги ғояларни ўрганишдан тўхтаб бўлмайди.
"Ливерпул"да Клоппнинг вориси бўлишим мумкинми? Айни дамда бор эътиборимни жорий мавсумнинг қолган қисмига қаратганман. Биз бор эътиборимизни мақсадларимизга қаратмоқчимиз", - дея Де Зерби сўзларини келтиради Mundo Deportivo.
