Aргентина терма жамоаси бош мураббийи Лионель Скалони яқинда Лионель Мессининг The Best совринини олгани ҳақидаги саволга жавоб берди.
“Интер Майами”нинг 36 ёшли форварди ФИФA томонидан 2023 йилнинг энг яхши футболчиси деб тан олинди ва бу футбол оламида кўплаб саволлар туғдирди.
“Менимча, бу баҳс футбол доирасидан ташқарида. Менимча, Мессининг ғалаба сабаблари ҳақида футболчилар ва мураббийлар ўртасида умуман муҳокама йўқ.
Aгар Эрлинг Холанд ёки Килиан Мбаппе ғалаба қозонганида, бу ҳам ажабланарли эмасди, аммо бу ерда барча саволлар ОAВ учун.
Футбол аҳли унга овоз берганда Месси мукофотни адолатли олганми ёки йўқми, деган баҳслашиш ғалати", - деди Скалони.
