“Манчестер Юнайтед” ҳужумчиси Маркус Рэшфорд чоршанба куни Белфастдаги тунги клублардан бирида кўзга ташланди.

Бу ҳақда Daily Mail ижтимоий тармоқлардаги кадрларга таяниб, ўз саҳифаларида сўзлаб берди. Рэшфорд жума куни машғулот ўтказмади - "қизил иблислар" бош мураббийи Эрик тен Хаг буни касаллик билан изоҳлади.

"Рэшфорд касал эди, Эванс ҳам касал эди. Биз уларнинг қандай тузалиб кетишини кўришимиз керак”, деди Тен Хаг журналистларга.

Рэшфорднинг касаллиги унинг тунги клубга саёҳати билан боғлиқми, дейиш қийин. Журналистлар изоҳ олиш учун клуб вакиллари ва футболчи билан боғланишди, бироқ ҳозирча жавоб йўқ. "Манчестер Юнайтед"нинг навбатдаги ўйини 28 январ куни - Aнглия кубоги доирасида "Ньюпорт Каунти"га қарши бўлади.