Таниқли журналист, спорт шарҳловчиси Даврон Файзиев Ла Лига доирасидаги "Барселона" - "Вильярреал" ўйинидан олдин ўз фикрларини билдирди.
"Барселона" ўз майдонида бир ойдан бери ўйнамаётганди. Суперкубок ва Кубокдаги муваффақиятсизликдан кейин Хави ва жамоа бугун бевосита мухлислар олдида ҳисобот беради. "Вильярреал" билан учрашувда "Барса" Ла Лигадаги курашдан тўхтамаганини кўрсатиб бериши керак бўлади.
"Вильярреал"нинг "Барселона" майдонидаги статистикаси аянчли. Охирги 13 ўйинда 12 мағлубият. Қолаверса бир ойдан бери "Вильярреал" умуман ғалабага эриша олмаяпти. Альбиоль, Парехо, Фойт, Педраса, Суарес каби асосий футболчилари жароҳат олишган.
"Барса"да ҳам жароҳатлар кўп, лекин муносиб ўринбосарлари ҳам бор. Хавининг плюсларидан бири ёшларни анча синовдан ўтказиб олди.
22:30 да Спорт каналида "Барселона" - "Вильярреал" учрашувини биргаликда томоша қиламиз", - деб ёзди Файзиев ўз телеграм-каналида.
