Испания чемпионатининг 22-тури доирасида «Барселона» ўз майдонида «Вильярреал»ни қабул қилиб, драматик кечган баҳсда имкониятни бой берди.

Учрашувнинг 41-дақиқасида Жерар Морено меҳмонларни олдинга олиб чиққан бўлса, 54-дақиқада Ильяс Ахомашинг голидан кейин  «Вильярреал» иккита тўп фарқи билан олдинга ўтиб олди.

Шундан сўнг каталонияликлар 11 дақиқа ичида 3 та гол уриб, олдинга ўтиб олишди. Дастлаб Илкай Гюндоган ва Педри ҳисобни тенглаштиришган бўлса, 71-дақиқада Эрик Байи ўз дарвозасини ишғол қилиб қўйди.

Учрашувнинг 84-дақиқасида "сариқ сувости кемаси" қарши уюштирди ва Гонсалу Гедеш мувозанатни тиклади.

Ўйиннинг 91-дақиқасида ҳакам «Вильярреал» дарвозасига пенальти белгилади, аммо видеотакрорни томоша қилгач, ўз қарорини бекор қилди.

"Барса" умидида олдинга ташланиб ҳимояни унутиб қўйди. Бунинг оқибатида "Вильярреал" 90+9 ва 90+11-дақиқаларда иккита гол уриб, ғалабани илиб кетди.

Испания Ла лигаси, 22-тур
Барселона – Вильярреал 3:5 (0:1)
Голлар: 0:1 – 41 Жерар Морено, 0:2 – 54 Ахомаш, 1:2 – 60 Гюндоган, 2:2 – 68 Педри, 3:2 – 71, автогол Байи, 3:3 – 84 Гедеш, 3:4 – 90+9 Серлот, 3:5 – 90+11 Моралес.
Барселона – Пенья, Кунде, Кристенсен (Кубарси, 46), Араухо, Форт (Жоау Канселу, 46), Гюндоган, Ромеу (Педри, 46), де Йонг, Жоау Феликс (Ферран Торрес, 58), Ямаль, Левандовски (Роке, 77).
Вильярреал – Йоргенсен, Фемения (Москера, 78), Байи, Куэнка, Альберто Морено (Манди, 71), Алекс Баэна (Капу, 71), Коклен, Комесанья, Ахомаш (Гедеш, 58), Жерар Морено (Моралес, 78), Серлот.
Огоҳлантиришлар: Алекс Баэна (16), Ромеу (33), Байи (68), Левандовски (68), Хави (69), Араухо (89), Москера (89), Куэнка (90).