"Барселона" бош мураббийи Хави Испания Ла лигасининг 22-турида "Вильярреал"дан учралган мағлубиятдан сўнг (3:5) Френки де Йонгнинг сўзларига изоҳ берди.
Олдинроқ де Йонг мағлубият учун айбни футболчилар зиммасига олганди.
"Бу бизнинг айбимиз, ўйинчиларнинг айби - агар натижа чиқмаса, бу бизнинг айбимиз. Хави ва ходимларга тўлиқ ишонч бор, улар яхши иш қилишяпти”, - дейди де Йонг.
“Мен Френки де Йонг айтганларини тушунаман ва бунинг учун барчамиз жавобгармиз, лекин мен асосий жавобгарман. Биз хатоларга йўл қўйдик, аммо берилмаган пенальти ўйинни ўзгартиради. Ҳатто захира ҳаками ҳам бу аниқ пенальти бўлганини айтди", - дея Хавининг сўзларини келтиради журналист Фабрицио Романо.
Аввалроқ Хави камерага: “Уят!” деб бақиргани хабар қилинганди.
