"Aтлетик" бош мураббийи Эрнесто Вальверде Хави Эрнандеснинг "Барселона"ни тарк этиши ҳақида гапирди.

Каталония гранди бош мураббийи ўз қарорини "Вильярреал"га қарши ўйиндаги мағлубиятдан сўнг (3:5) маълум қилди.

Мутахассис ўзига қилинган босимга энди чидай олмаслигини тан олди.

“Ҳар ким ўзича қарор қилади. Мен "Барселона" мураббийи бўлиш нималигини, у ерда ҳамма нарса қандай ишлашини биламан.

Хави жамоани чемпионлик сари етаклаганини, футболчи сифатида эса “Барселона” билан ҳамма нарсани ютганини унутмаслигимиз керак.

У ўзи учун тўғри деб ҳисоблаган қарорни қабул қилди. Мен уни кўп жиҳатдан тушунаман», - дея 2017 йилдан 2020 йилгача «Барселона»ни бошқарган Вальверденинг сўзларини келтиради Mundo Deportivo.