Мадриднинг “Реал” клуби дарвозабони Тибо Куртуа жароҳатидан кейин тикланиш жараёнини давом эттирмоқда.
Бельгиялик футболчи жорий мавсумда бирорта ҳам ўйин ўтказмади, мавсумолди машғулотларда хочсимон боғламини йиртиб олгани сабабли сафдан чиқди. Журналист Мигель Анхель Диаснинг фикрича, агар вазият яхши кетса, Куртуа Чемпионлар лигасининг чорак финалида иштирок этиши мумкин - агар, албатта, "Реал Мадрид" у ерга этиб борса.
Эслатиб ўтамиз, 1/8 финал босқичида Карло Анчелотти шогирдлари Германиянинг “РБ Лейпциг” клубига қарши майдонга тушиши керак. Учрашувлар 13 февраль ва 6 март кунларига белгиланган.
