"Барселона" марказий ҳимоячи Микаил Файени "Ланс"га сотишдан бош тортди.
Француз клуби 19 ёшли футболчини 9 миллион еврога сотиб олишга тайёр эди, бироқ “кўк-анорранглилар” раҳбариятидан рад жавобини олди, дейилади инсайдер Фабрицио Романо хабарида. Музокаралар душанба куни бўлиб ўтди.
Микаил Файе "Барселона"нинг иккинчи жамоасида ўйнайди, лекин ҳали асосий жамоада дебют ўтказмаган. Сенегаллик футболчи каталонияликлар сафига ўтган йилнинг июль ойида Хорватиянинг "Кустошия" клубидан кўчиб ўтганди. Трансфер нархи 1,5 миллион еврони ташкил қилди.
Файенинг "Барселона" билан шартномаси 2027 йилнинг ўрталарига қадар амал қилади.
