Африка Миллатлар кубоги 1/8 финалида Нигерия терма жамоасига 0:2 ҳисобида имкониятни бой берган Ригобер Сонг Камерун терма жамоаси бош мураббийи лавозимидан озод этилади, деб хабар бермоқда Cfoot нашри.
Камерун терма жамоаси Африка Миллатлар Кубоги гуруҳ босқичида бир марта ғалаба қозониб, бир марта дуранг ўйнади ва бир марта мағлуб бўлди ҳамда якунда тўрт очко билан турнирнинг плей-офф босқичига йўл олди ва 1/8 босқичида мусобақани тарк этди.
Сонг Камерун терма жамоасини 2022 йилнинг март ойида қабул қилиб олган ва ўшандан бери унинг бошчилигида миллий терма жамоа 23та ўйин ўтказиб, олтита ўйинда ғалаба қозонган, саккизта дуранг ва тўққизтасида мағлуб бўлган.
