Хави жорий мавсум охирида "Барселона" бош мураббийи лавозимини тарк этади. Ёзда каталонияликларни ким қабул қилиши ҳали аниқ эмас. Шу билан бирга, Хави ўз ўринбосарини огоҳлантиришга улгурди.
“Бир неча ой олдин кетишга қарор қилдим. Бизнинг меҳнатимиз етарлича баҳоланмаган. Нима қилсам ҳам, мени танқид қиласиз. Менинг ўринбосарим билан ҳам шундай бўлади. Мен унга ўз ишидан завқ олишини айтган бўлардим, аммо бу мумкин эмас", - дея Хави сўзларини келтирмоқда Marca.
“Барселона” Испания чемпионатидаги навбатдаги ўйинини 31 январь, чоршанба куни ўтказади. Хави шогирдлари ўз майдонида "Осасуна"га қарши баҳс олиб боради.
