Мадриднинг "Атлетико" клуби бош мураббийи Диего Симеоне 2023/2024 йилги мавсум якунида Хавининг "Барселона"ни тарк этиши ҳақидаги саволга жавоб берди.
"Мен ҳеч қачон ҳамкасбларимнинг қарорларига изоҳ бермайман, чунки уларнинг танловини ҳурмат қиламан. "Барселона" кетма-кет бир неча мағлубиятга учрадими? Рақиб ҳақида ўйлашга вақтим йўқ. Бу чоршанба куни биз билан ўйнаган "Райо Вальекано" ҳақида ўйлашимиз керак. Кейин якшанба куни "Реал Мадрид" ва чоршанба куни "Атлетик Бильбао" ҳақида ўйлаймиз", - деди Симеоне Mundo Deportivo билан суҳбатда.
27 январь куни Хави "Вильярреал"дан 3:5 ҳисобида учралган мағлубиятдан сўнг мавсум якунида жамоани тарк этишини эълон қилди. 44 ёшли мутахассис 2021 йилнинг ноябрида "Барселона"ни қабул қилиб олган эди.
22-турдан кейин “Барселона” 44 очко билан Ла Лигада 4-ўринда бормоқда. Чемпионатда “Жирона” етакчилик қилмоқда (55 очко).
