"Реал"нинг собиқ ярим ҳимоячиси Гути мавсум якунида Хавининг "Барселона" бош мураббийлигидан кетиши ҳақидаги хабарга изоҳ берди. У 44 ёшли мутахассиснинг қарорини тушунмаганини такидлади.
"Менимча, у "Барса" ҳақида эмас, балки ўзи ҳақида ўйлаган. У ҳайратда қолдирди. Унинг кучи етмади. Хави болалигиданоқ “Барселона” сафида. Агар жамоа ютқазса ёки ёмон ўйнаса, мураббий ёмонга айланади. У буни билмасмиди? Лапорта атрофида матбуот анжумани олдидан нима ҳақида ўйлаш кераклигини айтадиган одамлар бор. Агар мураббий бу ҳақда гапирмоқчи бўлса, дарҳол кетсин. Унинг истеъфога чиқишини шу тарзда эълон қилиши ҳеч кимга фойда келтирмайди”, - дейди Гути.
