Осиё кубоги нимчорак финал босқичидан ўрин олган еттинчи ўйин бўлиб ўтди. Япония терма жамоаси Баҳрайнга қарши майдонга чиқиб, ишончли ғалабани қўлга киритди.

Баҳрайн мудофааси ярим соат рақиб босимига дош берди. 31-дақиқада Ритсу Доан ҳисобни очган бўлса, иккинчи бўлим бошида Такефуса Кубо фарқни иккитага оширди.

Иккинчи тайм ўрталарида баҳрайнликлар автогол эвазига битта жавоб тўпини киритишди. Орадан кўп ўтмасдан Уэда "кунчиқар юрт" вакилларининг учинчи голига муаллифлик қилди. Айасенинг мусобақадаги голлари сони 4 тага етди.

Шу тариқа, Япония чорак финал йўлланмасини қўлга киритди. Японлар кейинги босқичда Эрон-Сурия ўйини ғолибига қарши майдонга тушади.

Осиё кубоги, 1/8 финал
Баҳрайн – Япония 1:3 (0:1)
Голлар: 0:1 – 31 Доан, 0:2 – 49 Кубо, 1:2 – 64, автогол Судзуки, 1:3 – 72 Уэда.
Баҳрайн – Лутфуллоҳ, Одил, Бакир, Ал-Ҳайём, Али Абдулла Марҳун (Ал-Ҳумайдан, 64), МУҳаммад Юсуф (Атеде, 77), Ал-Асвад (Ал-Ҳашаш, 77), Аш-Шайх (Ас-Салама, 90), Али (Эл Халласий, 90), Али Мадан, Юсуф.
Япония – Судзуки, Маикума, Итакура, Томиясу, Накаяма, Эндо, Доан (Матида, 80), Кубо (Минамино, 68), Хатате (Морита, 36), Накамура (Митома, 68), Уэда (Асано, 80).
Огоҳлантиришлар: Юсуф (52), Маикума(57), Ал-Ҳайём (79).