Osiyo kubogi nimchorak final bosqichidan o‘rin olgan yettinchi o‘yin bo‘lib o‘tdi. Yaponiya terma jamoasi Bahraynga qarshi maydonga chiqib, ishonchli g‘alabani qo‘lga kiritdi.

Bahrayn mudofaasi yarim soat raqib bosimiga dosh berdi. 31-daqiqada Ritsu Doan hisobni ochgan bo‘lsa, ikkinchi bo‘lim boshida Takefusa Kubo farqni ikkitaga oshirdi.

Ikkinchi taym o‘rtalarida bahraynliklar avtogol evaziga bitta javob to‘pini kiritishdi. Oradan ko‘p o‘tmasdan Ueda "kunchiqar yurt" vakillarining uchinchi goliga mualliflik qildi. Ayasening musobaqadagi gollari soni 4 taga yetdi.

Shu tariqa, Yaponiya chorak final yo‘llanmasini qo‘lga kiritdi. Yaponlar keyingi bosqichda Eron-Suriya o‘yini g‘olibiga qarshi maydonga tushadi.

Osiyo kubogi, 1/8 final
Bahrayn – Yaponiya 1:3 (0:1)
Gollar: 0:1 – 31 Doan, 0:2 – 49 Kubo, 1:2 – 64, avtogol Sudzuki, 1:3 – 72 Ueda.
Bahrayn – Lutfulloh, Odil, Bakir, Al-Hayyom, Ali Abdulla Marhun (Al-Humaydan, 64), MUhammad Yusuf (Atede, 77), Al-Asvad (Al-Hashash, 77), Ash-SHayx (As-Salama, 90), Ali (El Xallasiy, 90), Ali Madan, Yusuf.
Yaponiya – Sudzuki, Maikuma, Itakura, Tomiyasu, Nakayama, Endo, Doan (Matida, 80), Kubo (Minamino, 68), Xatate (Morita, 36), Nakamura (Mitoma, 68), Ueda (Asano, 80).
Ogohlantirishlar: Yusuf (52), Maikuma(57), Al-Hayyom (79).