Испания чемпионатининг 20-тури доирасида қолдирилган ўйинлардан бири кеча оқшом бўлиб ўтди. «Атлетико» ўз майдонида «Райо Вальекано»ни қабул қилиб, қийин ғалабага эришди.

Учрашувда ҳисобни мезбонлар очишди: 35-дақиқада Рейнилду меҳмонлар дарвозасини ишғол қилди. Орадан кўп ўтмасдан "Райо" Гарсиянинг голи эвазига ҳисобни тенглаштирган ҳолда танаффусга йўл олди.

Иккинчи таймга қўшиб берилган дақиқаларда Мемфис Депай "Атлетико"га ғалаба келтирувчи гол муаллифига айланди.

Симеоне жамоаси ушбу ғалабадан кейин ўз очколарини 47 тага етказиб олди.

Испания Ла лигаси, 20-тур
Атлетико – Райо Вальекано 2:1 (1:1, 1:0)
Голлар: 1:0 – 35 Рейнилду, 1:1 – 42 Гарсия, 2:1 – 90 Депай.
Атлетико – Облак, Эрмосо, Рейнилду, Витцель, Льоренте (Де Поль, 58), Рикельме (Лино, 58), Сауль (Коке, 69), Барриос, Вермерен (Молина, 46), Корреа (Гризманн, 58), Депай.
Райо Вальекано – Димитриевски, Рациу (Балиу, 64), Лежен, Аридане, Эспино, Чаваррия, Гарсия (Трехо, 76), Паласон (Де Фрутос, 76), Кике Перес (Крешпу, 64), Оскар Валентин, Камельо (Фалькао, 83).
Огоҳлантиришлар: Кике Перес (38), Паласон (60), Симеоне (90), Чаваррия (90).