"Рома" "Эмполи" ва Италия ёшлар терма жамоаси ҳужумкор ярим ҳимоячиси Томмазо Бальданцини сотиб олишга яқин турибди. Бу ҳақда журналист Фабрицио Романо хабар берди.
Манбанинг хабарига кўра, 20 ёшли футболчи 1 февраль, пайшанба куни тиббий кўрикдан ўтиш ва шартнома имзолаш учун Римга келади. "Рома" ёш ярим ҳимоячи учун "Эмполи"га тахминан 10 миллион евро тўлайди.Яна 5 миллион евро бонус сифатида тақдим этилади.
Бальданци 2011 йилдан бери "Эмполи" тизимида. Жорий мавсумда ярим ҳимоячи А Серияда 14 та ўйин ўтказиб, иккита гол урган.