Европа чемпионлар лигасининг нимчорак дастлабки учрашувидан кейин ҳозирча кейинги босқич масаласи деярли ҳал қилиб бўлган жамоа сифатида «Ювентус»ни кўрсатиш мумкин. Италияликлар Шотландияда «Селтик» уйида йирик ҳисобда ғалаба қозониб ўз уйида бўлиб ўтадиган жавоб учрашувидан олдин бир оёғи билан чорак финалга қадам босди.

Учрашувнинг дастлабки дақиқаларидаёқ Алессандро Матри томонидан киритилган гол туринликларни ҳисобда олдинга олиб чиққанди. Иккинчи бўлимда эса аввалига Клаудио Маркизио, кейинчалик Мирко Вучинич томонидан киритилган голлар Италиянинг амалдаги чемпионига йирик ҳисобдаги ғалабани тақдим этди.

Чемпионлар лигаси
1/8 финал
Дастлабки учрашувлар

СЕЛТИК (Шотландия) – ЮВЕНТУС (Италия) 0:3 (0:1)
Голлар: Матри (3), Маркизио (77), Вучинич (83).
Селтик: Форстер, Люстиг (Мэттьюз, 59), Уилсон, Эмброуз, Изагирре, Малгрю, Ваньяма, Форрест, Браун (Кайяль, 80), Коммонс (Уотт, 74), Хупер.
Ювентус: Буффон, Бардзальи, Бонуччи, М. Касерес, Лихтштайнер, Пелузо (Падоин, 69), Видаль, Маркизио, Пирло, Матри (Погба, 81), Вучинич (Анелька, 86).
Огоҳлантиришлар: Лихтштайнер (37), Хупер (37), Форрест (42), Падоин (76), Браун (76), Маркизио (89).