"Манчестер Юнайтед" бош мураббийи Эрик тен Хаг жамоа сардори Бруну Фернандеш қанчалик муҳим эканлигини айтиб ўтди.
Эслатиб ўтамиз, ярим ҳимоячи 2020 йилнинг январидан буён "манкунианликлар" сафида ўйнаб келмоқда.
"Бруну бизнинг сардоримиз, у бошқаларга ўрнак. Буни машғулотларда ҳам, ўйинларда ҳам кўриш мумкин. У ҳар доим жамоага керакли энергия олиб келади. Фернандеш "Манчестер Юнайтед" учун жуда муҳим ўйинчи, у жуда кўп имкониятлар яратади. Умид қиламанки, Бруну бу ерда узоқ вақт ўйнайди", - деди Тен Хаг матбуот анжуманида.
Жорий мавсумда Фернандеш Англия Премьер-лигасида 3 та гол ва 3 та голли узатмага эга.
