Фарғонанинг «Нефтчи» клуби 12 февраль куни Туркия йиғини доирасидаги дастлабки назорат ўйинини ўтказди.

Анталиядаги «Ic Santai» меҳмонхонаси базаси майдонида Фарғонанинг «Нефтчи» клуби Украина чемпионати биринчи давра якунларига кўра 7-ўринда бораётган «Волинь» жамоасига қарши майдонга тушди.

Ўйинда ҳисоб иккинчи бўлимда, «Нефтчи» ярим ҳимоячиси Мансур Саидов томонидан очилди. Бироқ, Қаршининг «Насаф» жамоаси собиқ устози, ҳозирда «Волинь»да бош мураббийлик қилаётган Анатолий Демяненко таркибда бир қатор ўзгаришларни амалга оширди ва охир-оқибат украина жамоаси ғалабани илиб кетди.

2:1 ҳисоби ўйин охиригача ўзгармади.

«Нефтчи» расмий сайти маълумотига кўра, жамоа йиғин давомида яна учта назорат баҳсида майдонга тушади.

Назорат учрашуви
12 февраль, сешанба
«НЕФТЧИ» (Ўзбекистон) – «ВОЛИНЬ» (Украина) 1:2 (0:0)
Гол: Мансур Саидов.