«Зенит» клубининг португалиялик ҳужумчиси Халк «Зенит»га пул топиш мақсадида ўтганини тан олди. Бу ҳақда «Daryo.Uz» футболчининг «Euronews» каналига  берган интервьюсига таяниб хабар берди.

Каналга интервью бераркан Халк қуйидагиларни айтиб ўтди: «Яширмайман, ҳамма билади мен футболчиман ва «Зенит» томонидан билдирилган мўмай молиявий таклиф бўлиши биланоқ қабул қилдим. Мен катта мақсадларга эришмоқчи эдим ва Португалияда барча мусобақаларда ғолиб бўлгандан соънг бошқа чемпионатда ўйнамоқчи эдим. Менга Англия, Италия, Испаниядан жуда кўп таклифлар бўлди, бироқ улар билан шартнома бўйича келиша олмадик.»

Шунингдек, Халк «Зенит»даги жамоадошларининг унга нисбатан қилаётган муомалаларидан ранжиётганини ҳам таъкидлади.

«Бу ерда айрим футболчилар борки, менга нисбатан ҳурмацизлик қилишмоқда. Оммавий ошкор қилиниши керак бўлмаган нарсаларни ошкор қилисмоқда. Бошқалари эса мени билмасдан туриб мен ҳақимда хулоса чиқаришяпти. Уларнинг фикрича мен жамоанинг юлдузи бўлишни хоҳлаётган эмишман. Бироқ мен юлдуз бўлишни хоҳламайман. Мен бу ерга уларга ёрдам беришим ва уларнинг менга ёрдам беришлари учун келганман ва ишонаманки шундай бўлади», дея Халкнинг сўзларидан иқтибос келтирмоқда «Daryo.Uz» интернет нашри.