"Реал Мадрид"нинг 33 ёшли марказий ҳужумчиси Хоселу 2024 йил бошида жамоа раҳбарияти ва мураббийлар штабини ҳайратда қолдирди.
"Хетафе" билан сўнгги ўйинда ҳужумчи дубль қайд этди. "Қироллик клуби" тажрибали тўпурарнинг ўйинидан мамнун ва уни "Эспаньол"дан сотиб олишни режалаштирмоқда.
Бош мураббий Карло Анчелотти ҳам футболчини жамоада сақлаб қолмоқчи. Хоселунинг "Лос-Бланкос" билан ижара шартномаси шу мавсум охиригача амал қилади.
Transfermarkt портали маълумотларига кўра, футболчининг бозор нархи беш миллион еврони ташкил қилади. Испания чемпионатининг жорий мавсумида ҳужумчи 22 та ўйин ўтказиб, 7 та гол ва иккита голли узатмани амалга оширди.
