Боливия терма жамоасининг собиқ ҳимоячиси Серхио Хауреги Мексикада ҳаваскорлар ўртасидаги футбол ўйини вақтида майдонда отиб ўлдирилди. Бу ҳақда Proceso хабар бермоқда.
Манбага кўра, ўйин вақтида 38 ёшли Хауреги сув ичиш учун ён чизиққа яқинлашган, бу вақтда бир киши унинг олдига югуриб келиб, ўқотар қуролдан олти марта ўқ узган ва номаълум томонга ғойиб бўлган. Ҳеч ким ҳужумчини тўхтатишга уринмади. Серхио профессионал фаолиятини 2012 йилда якунлаган. Хауреги Боливия терма жамоаси сафида 13 та ўйин ўтказган бўлса, шулардан 9 таси жаҳон чемпионати саралаш босқичида иштирок этган. Серхио 2004 йилдан 2005 йилгача миллий терма жамоада ўйнаган.
Клуб миқёсида собиқ ҳимоячи "Блуминг" (Боливия), "Сан-Хосе" ва "Йвердон-Спорт" каби жамоаларни ҳимоя қилган.
